پتوکی(این این آئی)امام مسجد کی 8سالہ بچے سے بدفعلی امام مسجد سمیت دو ملزمان کیخلاف مقدمہ درج پولیس نے ملزمان کی گرفتاری کیلئے سپیشل ٹیمیں تشکیل دے دیں۔تفصیلات کے مطابق ڈی ایس پی سرکل پتوکی کے تھانہ سٹی پھولنگر کے علاقہ کوٹ گوندی والہ کے رہائشی محمد آصف کا 8سالہ بیٹا محمد زید قرآن کی تعلیم حاصل کرنے کیلئے روزانہ کی بنیاد پر گوندی والہ مسجد میںجاتا تھا امام مسجد محمد شاہد نے باقی بچوں کو نماز مغرب کے بعد چھٹی دے دی اور سائل کے بیٹے کو بٹھائے رکھا بچوں کے جانے کے بعد امام مسجد شاہد سائل کے بیٹے کو اپنی رہائش کے اندر لے گیا اور
وہاں پر سائل کے بیٹے کیساتھ بد فعلی کی اور بچے کو دھمکی لگائی کہ اگر تم نے کسی کو کچھ بتایا تو جان سے ماردوں گا اور بچہ روتا ہواخون میںلت پت اپنے گھر پہنچا محلہ کے لوگوں نے 15پولیس کو اطلاع دی جس پرایس ایچ او تھا نہ سٹی پھولنگرسید ثقلین بخاری پولیس کی نفری کے ہمراہ موقع پر پہنچے پولیس نے بچے کو میڈیکل کیلئے گورنمنٹ ہسپتال منتقل کیا ،تھانہ سٹی پھولنگر نے متاثرہ بچے کے والد محمد آصف کی مدعیت میں نامزد ملزمان محمد شاہد اور محمد شفیق کیخلاف مقدمہ درج کرلیا۔ایس ایچ او سید ثقلین بخاری نے امن پریس کلب پتوکی کے عہدیداران کو بتایا کہ ملزمان کی گرفتاری کیلئے سپیشل ٹیمیں تشکیل دے دی گئیں ہیں جلد ہی ملزمان کو گرفتار کرلیا جائے گا ایسے درندے کسی بھی رعایت کے مستحق نہیں،پولیس متاثرہ فیملی کیساتھ کھڑی ہے ۔
