پشاو ر(این این آئی)پشاور کے صدر بازار سے دن دیہاڑے بزرگ تاجر کے مبینہ اغوا کی ویڈیو سوشل میڈیا پر وائرل ہوگئی۔پشاور کے علاقے صدر بازار سے ساڑھے 9 بجے بزرگ تاجر کو نامعلوم افراد نیگاڑی میں زبردستی بٹھا کر مبینہ طور پر اغوا کرلیا۔اغوا کی ویڈیو سوشل میڈیا پر وائرل ہوگئی ہے، ویڈیو میں دیکھا جاسکتا ہے کہ کار میں آئے دو افراد تاجر کو دکان سے نکال کر اپنے ساتھ لے جارہے ہیں۔

ویڈیو میں بزرگ تاجر حاجی اکرام اللہ کو گھسیٹ کر گاڑی میں زبردستی بٹھاتے ہوئے بھی دیکھا جاسکتا ہے۔پولیس کے مطابق واقعہ کی تفتیش شروع کردی ہے، سی سی ٹی وی فوٹیجز اور دیگر شواہد کی مدد سے اغواکاروں تک پہنچنے کی کوشش کی جا رہی ہے۔