مریدکے( این این آئی) لیسکو ٹیم کا بجلی چوروں کیخلاف مریدکے شہر میں کریک ڈائون ،سبزی منڈی میں بجلی چوری کا بڑا نظام پکڑ لیا ،پوری سبزی منڈی بجلی چوری کرتی موقع پر پکڑی گئی ،بجلی چوری کے سسٹم کو چلانے والا شخص گرفتار مقدمہ درج کرلیا گیا ۔تفصیلات کے مطابق چیف ایگزیکٹو لیسکو محمد حیدر کی ہدائت پر ایس ای لیسکو شیخوپورہ ایکسئیں لیسکو ڈویژن مریدکے کی سربراہی میں ایس ڈی او سٹی سب ڈویژن محمد فیصل نے ایس ڈی او کنال پارک اور درجن سے زائد لیسکو اہلکاروں کے ہمراہ مریدکے شہر میں واقع جی ٹی روڈ کنارے شہر کی سب سے بڑی سبزی منڈی میں بجلی چوروں کیخلاف کریک ڈاون کرتے سیکڑوں دکانوں ٹھیلوں کھوکھوں کی بجلی چوری کا سسٹم پکڑ لیا
جہاں انہیں انکشاف ہوا بجلی چوری کے سارے سسٹم کے پیچھے ایک بجلی چور مافیا ہے لیسکو ٹیم نے پولیس کے ہمراہ بجلی چور مافیا کے سرغنہ کو پکڑ لیا اور مقدمہ درج کرلیا اس موقع پر ایس ڈی او سٹی محمد فیصل کا کہنا تھا ایک عرصہ سے سبزی منڈی کے دکاندار بجلی چوری کررہے تھے بااثر شخص یہ سارا نیٹ ورک چلارہا تھا جسے پکڑ کر قانونی کاروائی شروع کردی ہے انہوں نے کہا ایک بھی بجلی چور کو پکڑنے تک کریک ڈاون جاری رہے گا۔
