لاہور ( این این آئی) ملک بھر میں مون سون سیزن کی آخری بارشیں آج سے شروع ہونے کا امکان ہے ۔ جمعرات سے ہفتے تک بارشوں سے درجہ حرارت میں کمی کا بھی امکان ہے۔محکمہ موسمیات کاکہنا ہے کہ مغربی ہوائیں آج بروز جمعرات کوملک کے بالائی علاقوں میں داخل ہوں گی ۔

محکمہ موسمیات کے مطابق بالائی خیبرپختونخوا،کشمیر اورگلگت بلتستان کے پہاڑوں پر برف باری بھی متوقع ہے۔کوہاٹ، پشاور،صوابی،کرم،بنوں،مری،گلیات، اسلام آباد میں بھی بارش ہوگی۔ محکمہ موسمیات نے لاہور،راولپنڈی،چکوال،سرگودھا،گوجرانوالہ،سیالکوٹ میں بارش اور ژالہ باری کا امکان ظاہر کیا ہے