نئی دہلی (این این آئی) انٹرپول اطلاع پرممبئی پولیس نے گوگل پر خودکشی کا طریقہ ڈھونڈنے والے شخص کو زندگی کا خاتمہ کرنے سے بچا لیا۔میڈیا رپورٹ کے مطابق ممبئی پولیس کے ایک اہلکار نے بتایا کہ راجستھان سے تعلق رکھنے والے ایک شخص نے گوگل پر خودکشی کا بہترین طریقہ تلاش کرنے کی کوشش کی تو انٹرپول نے موبائل نمبر سمیت اس شخص کی اطلاع ممبئی پولیس کو دی جس نے لوکیشن کا پتا لگا کر راجستھان کے مضافاتی ضلع مالوانی سے اس شخص کو ڈھونڈ نکالا اور خود کشی کرنے سے بچا لیا ۔ پولیس کے مطابق خود کشی کا طریقہ ڈھونڈنے والا شخص تنائو کا شکار تھا ،وہ ممبئی کی جیل میں قید ماں کی رہائی کو یقینی نہیں بنا پایا تھا، اس کی ماں دو سال قبل مجرمانہ مقدمے کے تحت گرفتار ہوئی تھی ۔