اسلام آباد (این این آئی) اسلام آباد میں میٹرو بس سروس کے کرایوں میں اضافہ کر دیا گیا ، جس کا اطلاق یکم اکتوبر سے ہو گا۔تفصیلات کے مطابق اسلام آباد میں میٹرو بس سروس کے کرایوں میں اضافہ کر دیا گیا ، جس کا اطلاق یکم اکتوبر سے ہو گا۔اورنج میٹرو سروس فیض احمد فیض سٹیشن سے پاک سیکرٹریٹ ا سٹیشن تک کے کرائے میں 20روپے اضافہ جبکہ اورنج لائن میٹرو بس کا ایئرپورٹ تک کرایہ 40بڑھا کر 90 روپے کر دیا گیا ہے ۔گرین بس سروس کا پمز سے بہارہ کہو تک کرایہ 30سے بڑھا کر 50، گرین لائن شٹل سروس ٹرمینل سے بہارہ کہو تک 15بڑھا کر 20اوربلیو لائن بس کا پمز سے گلبرگ گرین تک کرایہ 30سے بڑھا کر 50روپے کردیا گیا۔