اسلام آباد(این این آئی)وفاقی دارالحکومت کے دوسرے بڑے سرکاری ہسپتال پولی کلینک سے چورلاکھوں روپے مالیت کی مشین رات کے اندھیرے میں چور لے اڑے،بیس دن گزرنے کے باوجود ہسپتال انتظامیہ میشن کی کھوج نا لگا سکی۔میڈیا رپورٹ کے مطابق اسلام آباد کے دوسرے بڑے سرکاری ہسپتال پولی کلینک میں رات کے اندھیرے میں ایزی لائف الیکٹرو لائٹ مشین پر چور ہاتھ صاف کر گئے، لاکھوں روپے مالیات کی مشین 20 دن قبل پولی کلینک کی لیبارٹری سے چور اٹھا کر لے گیا تاہم تاحال واقعے کی ایف ائی ار بھی درج نا ہو سکی۔
جوائنٹ ایگزیکٹو ڈائریکٹر پولی کلینک نے تھانہ آبپارہ میں مشین چوری کی درخواست جمع کروادی، پولی کلینک اپنا سیکورٹی سسٹم ہونے کے باوجود کھوج نہ لگا سکے جبکہ ماہانہ لاکھوں روپے پرائیویٹ سیکورٹی کمپنی کو بھی دئیے جا رہے ہیں۔ جوائنٹ ایگزیکٹو ڈائریکٹر کیپٹن ڈاکٹر مظہر تاحال ایف آئی آر درج کروانے میں ناکام ہیں۔
