راولپنڈی(این این آئی)راولپنڈی ڈیولپمنٹ اتھارٹی نے غیرقانونی ہائوسنگ سوسائٹیز کے خلاف کریک ڈائون کا آغاز کرتے ہوئے 11دفاترگرادیئے ۔تفصیلات کے مطابق کمشنر راولپنڈی کی ہدایت پر غیر منظور شدہ ہائوسنگ سوسائٹیز کے خلاف آپریشن جاری ہے جس دوران چکری روڈ پر11غیرقانونی ہائوسنگ سوسائٹیز کے دفاتر گرادئیے گئے۔
ڈی جی آر کے مطابق غیر قانونی11ہائوسنگ سوسائٹیز کے دفاتر مسمار کرکے سر بمہر کردئیے گئے، عوامی شکایات پر غیر منظور شدہ ہائوسنگ سوسائٹیز کے خلاف کارروائی کی گئی۔ڈی جی نے بتایاکہ غیرقانونی ہائوسنگ سوسائٹیز شہریوں کو ورغلا کر جعلسازی میں ملوث تھیں،شہری نجی ہائوسنگ سوسائٹیز میں سرمایہ کاری سے قبل آر ڈی اے سے معلومات لیں ۔
