اسلام آباد(این این آئی)سابق وفاقی وزیر خزانہ سینیٹر اسحاق ڈار نے کہا ہے کہ نیب ترمیم کاقانون نہ آتاتوعدالت نے مجھے میرٹ پربری کردیناتھا،میرے تمام اثاثہ جات ایف بی آر اور الیکشن کمیشن کے پاس ڈکلیئرڈ ہیں۔نجی ٹی وی سے گفتگو میں اسحاق ڈار نے کہاکہ میرے خلاف کیس عدالت نے نیب کو واپس نہیں بھیجا تھا۔

انہوںنے کہاکہ میرا کیس عدالت نے بند کردیا تھا،اگر نیب ترامیم کا قانون نہ آتا تو مجھے عدالت نے میرٹ پر بری کرنا تھا۔انہوں نے کہاکہ واجد ضیا نے لکھا تھا کہ اس کیس میں اسحاق ڈار کے خلاف کوئی ثبوت نہیں مل سکا ہے۔(ن)لیگی سینیٹر نے کہا کہ پراسیکیوشن میرے خلاف الزامات ثابت کرنے میں ناکام رہا،یہ ریکارڈ کا حصہ ہے۔انہوںنے کہاکہ میرے تمام اثاثہ جات ایف بی آر اور الیکشن کمیشن کے پاس ڈکلیئرڈ ہیں۔