لاہور ( این این آئی) قومی احتساب بیورو (نیب ) نے سابق وزیراعلی پنجاب چودھری پرویز الٰہی کے سابق پرنسپل سیکریٹری محمد خان بھٹی کو گرفتار کرلیا۔نیب کی جانب سے پاکستان تحریک انصاف کے صدر وسابق وزیراعلی پرویز الٰہی کے پرنسپل سیکریٹری کے طور پر فرائض منصبی انجام دینے والے محمد خان بھٹی کو گرفتار کیا گیا ۔
محمد خان بھٹی کو نیب لاہور کی ٹیم نے گوجرانوالہ سے گرفتار کیا۔ ذرائع کے مطابق محمد خان بھٹی پر ایک ارب روپے سے زائد کک بیکس لینے کا الزام ہے۔محمد خان بھٹی کو پہلے اینٹی کرپش نے گرفتار کیا تھا جبکہ اب نیب کے ہاتھوں ان کی گرفتاری عمل میں آئی ہے۔
