پشاور(این این آئی)پشاور پولیس کی خصوصی ٹیم نے لیڈیز پولیس کے ہمراہ بروقت کارروائی کرتے ہوئے کوئٹہ سے اغوا ہونے والی 1 سالہ شیر خوار بچی افغانستان منتقل کرنے کی کوشش ناکام بنا کر 2 خواتین اغوا کاروں کو گرفتار کر لیا۔
کیپٹل سٹی پولیس پشاور کے مطابق پشاور پولیس کی خصوصی ٹیم نے لیڈیز پولیس کے ہمراہ بروقت کارروائی کرتے ہوئے صوبہ بلوچستان کے ضلع کوئٹہ سے اغوا ہونے والی 1 سالہ شیر خوار بچی افغانستان منتقل کرنے کی کوشش ناکام بنادی۔ پولیس کے مطابق کارروائی کے دوران اغوا کار گروہ کی 2 خواتین ملزمان کو گرفتار کر لیا گیا ہے۔ بازیاب ہونے والی بچی کے والدین نے بروقت کارروائی پر پشاور پولیس کا شکریہ ادا کیا ۔
