اسلام آباد (این این آئی)3ماہ گزر نے کے باوجود جہانگیر ترین پارٹی رجسٹرڈ نہ کروا سکے۔تفصیلات کے مطابق تین ماہ میں بھی جہانگیر ترین اپنی استحکام پاکستان پارٹی کو رجسٹرڈ نہ کروا سکے۔ذرائع کے مطابق آئی پی پی تاحال الیکشن کمیشن میں رجسٹریشن کے کاغذات مکمل کرنے میں ناکام ہے،الیکشن کمیشن نے آئی پی پی کے کاغذات پر اعتراضات لگائے تھے، باقی سیاسی جماعتوں کو الیکشن کمیشن کی جانب سے نشان بھی الاٹ کردیئے گئے ہیں ۔ذرائع کے مطابق آئی پی پی نے تاحال پارٹی کے اکائونٹس کی تفصیلات جمع نہیں کروائی ہیں۔