اسلام آباد(این این آئی)مسلم لیگ (ن) کے رہنما خرم دستگیر نے کہاہے کہ الیکشن 90روز میں ہی ہوں گے،پی ٹی آئی پر اب تک کوئی پابندی نہیں، مقبولیت کا فیصلہ الیکشن کے روز ہوتا ہے۔ ٹی وی پروگرام میںگفتگوکرتے ہوئے خرم دستگیرنے کہاکہ الیکشن کمیشن 90دن میں حلقہ بندیاں کر کے الیکشن کرائے گا۔انہوںنے کہاکہ پی ٹی آئی پر اب تک کوئی پابندی نہیں، جب حکومت میں تھے تب بھی پی ٹی آئی پر پابندی نہیں لگائی۔انہوںنے کہاکہ پر تشدد واقعات میں شامل افراد کو قانون کا سامنا کرنا پڑے گا۔ن لیگی رہنمانے کہاکہ مقبولیت کا فیصلہ الیکشن کے روز ہوتا ہے،میری توقع ہے الیکشن کمیشن حلقہ بندیاں مکمل کرکے 90روز میں الیکشن کرا دے گا۔