اسلام آباد (این این آئی)وزیراعظم شہباز شریف اور اپوزیشن لیڈر راجہ ریاض کی ملاقات پھرملتوی ہوگئی۔ذرائع کے مطابق راجہ ریاض کی مصروفیت کے باعث پھر وزیر اعظم شہباز شریف سے ملاقات نہ ہوسکی ۔واضح رہے کہ نگران وزیراعظم کی تقرری پر مشاورت کیلئے وزیراعظم شہباز شریف اور اپوزیشن لیڈر راجہ ریاض کی ملاقات طے تھی۔گزشتہ روز قومی اسمبلی میں اپوزیشن لیڈر راجہ ریاض نے کہا تھا کہ نگران وزیر اعظم کیلئے اپوزیشن ساتھیوں کی مشاورت سے تین نام فائنل کر لئے ہیں، بدھ کو وزیراعظم سے ملاقات کروں گا، میرے تینوں نام 90 فیصد فائنل ہو گئے۔یاد رہے کہ وزیراعظم نے قومی اسمبلی آج تحلیل کرنیکا اعلان کررکھا ہے، نگراں وزیراعظم کیلئے اب تک کوئی حتمی نام سامنے نہیں آیا۔