اسلام آباد(این این آئی)وفاقی دارالحکومت اسلام آباد میں 9اور 11محرم الحرام کو موبائل فون سروس بند رکھنے کا فیصلہ کیا گیا ہے۔وزارت داخلہ نے موبائل فون سروس کی بندش کے لیے پاکستان ٹیلی کمیونیکیشن اتھارٹی (پی ٹی اے)کو با ضابطہ خط لکھ دیا ہے۔9محرم کو سیکٹر جی 6، جی 7میں دن 1سے رات 10بجے تک موبائل سروس معطل رہے گی جبکہ آئی 10اور ملحقہ سیکٹرز میں شام 6سے صبح 6بجے تک موبائل فون سروس بند رہے گی۔

وزارت داخلہ کے مطابق 11محرم کو شاہ اللہ دتہ میں دن 2سے شام 7بجے تک موبائل فون سروس معطل رہے گی جبکہ بری امام نور پور شاہ میں دن 12سے رات7بجے تک موبائل فون سروس بند ہو گی۔