کوہاٹ(این این آئی)ایک اور سابق رکن صوبائی اسمبلی نے پاکستان تحریک انصاف (پی ٹی آئی)کو خیبر آباد کہہ دیا، سابق ایم پی اے ضیا اللہ بنگش نے پرویز خٹک کی قیادت میں پی ٹی آئی پارلیمنٹرین کے ساتھ سیاسی سفر جاری رکھنے کا اعلان کردیا۔تفصیلات کے مطابق کوہاٹ سے پی ٹی آئی کے سابق ایم پی اے ضیا اللہ بنگش کا پرویز خٹک کی قیادت میں پی ٹی آئی پارلیمنٹرین کے پلٹ فارم سے سیاست جاری رکھنے کا اعلان کردیا۔کوہاٹ پریس کلب میں پریس کانفرنس کرتے ہوئے انہوںنے کہاکہ 9مئی کے واقعات قابل افسوس ہے، اس کے بعد پی ٹی آئی کے ساتھ چلنا مناسب نہیں ہے۔