لاہور ( این این آئی) پاکستان تحریک انصاف کے مرکزی صدر و سابق وزیراعلی پنجاب چودھری پرویز الٰہی کو اڈیالہ جیل منتقل کردیا گیا۔ذرائع کے مطابق پرویز الٰہی کو بدھ کی صبح کیمپ جیل لاہور سے اڈیالہ جیل راولپنڈی منتقل کیا گیا ۔ ذرائع کا کہنا ہے کہ صدر پاکستان تحریک کو لاہور سے بذریعہ موٹروے روالپنڈی کی اڈیالہ جیل منتقل کیا گیا۔واضح رہے کہ پرویز الٰہی رقم کی مشکوک ٹرانزیکشنز کیس میں جوڈیشل ریمانڈ پرجیل میں ہیں ۔ انہیں 26 جون کو اینٹی کرپشن کیس میں ضمانت کے بعد ایف آئی اے نے حراست میں لیا تھا۔