اسلام آباد (این این آئی)سپریم کورٹ آف پاکستان کے رجسٹرار آفس نے پی ٹی آئی پر پابندی کے لیے عون چوہدری کی دائر درخواست اعتراضات لگا کر واپس کر دی۔سپریم کورٹ کے رجسٹرار آفس نے اعتراض عائد کیا کہ عون چوہدری کی درخواست میں آرٹیکل 184/3 کے تقاضے پورے نہیں کیے گئے۔اعتراض عائد کیا گیا کہ عون چوہدری کی درخواست میں واضح نہیں کہ جماعت پر پابندی 184/3 کے زمرے میں کیسے آتی ہے۔سپریم کورٹ آف پاکستان کے رجسٹرار آفس نے اعتراض عائد کیا کہ عون چوہدری کی درخواست میں واضح نہیں کہ پی ٹی آئی پر پابندی مفادِ عامہ کا معاملہ کیسے ہے۔عون چوہدری کی درخواست پر اعتراض عائد کیا گیا کہ عون چوہدری نے متعلقہ فورم سے رجوع نہیں کیا، آرٹیکل 248 کے تحت وزیرِ اعظم اور وزیر ِدفاع کو فریق نہیں بنایا جا سکتا۔واضح رہے کہ پاکستان تحریکِ انصاف پر پابندی کیلئے استحکامِ پاکستان پارٹی کے رہنما عون چوہدری نے سپریم کورٹ سے رجوع کر رکھا ہے۔