اسلام آباد :  پاکستان مسلم لیگ ن کے قائد نوازشریف کے قریبی ساتھی ناصر بٹ نے دعویٰ کیا ہے کہ نوازشریف 14 اگست سے پہلے پاکستان آ جائیں گے۔ نگران وزیراعظم سے متعلق سوال کے جواب میں انہوں نے کہا کہ نگران وزیراعظم کے لیے ایسا نام ہو گا جس پر سب اتفاق کریں گے۔نگران وزیراعظم وہی بندہ آئے گا جو سب کو قبول ہوگا، اپوزیشن کو بھی قبول ہوگا۔

ناصر بٹ نےمزید کہا کہ نگران وزیراعظم کے لیے دو نام فائنل ہو چکے، جس نام پر سب جماعتوں کا اتفاق ہو گا اس کا اعلان شاید ایک دو دن میں ہو جائے گا۔ ناصر بٹ نے کہا کہ ہو سکتا ہے کہ ایک نام محسن بیگ کا ہو لیکن جو بھی نام فائنل ہوگا وہ سیاسی جماعتوں کے اتفاقِ رائے سے آئے گا۔