کراچی (این این آئی)تحریکِ انصاف کراچی کے صدر اکرم چیمہ نے بھی پارٹی چھوڑنے کا اعلان کر دیا پریس کانفرنس کرتے ہوئے اکرم چیمہ نے کہا ہے کہ پوری قوم کا مطالبہ ہے کہ 9 مئی کے مجرموں کو کڑی سزا دی جائے، 9 مئی کے واقعات کے وقت میں وہاں موجود نہیں تھا۔

اکرم چیمہ نے کہا کہ یہ جو سپاہی حفاظت پر مامور ہیں انہیں ڈی مورلائز کرنے کی کوشش کی گئی تھی، فورسز ہی ہیں جنہوں نے کراچی اور ملک میں امن قائم کیا۔انہوں نے کہا کہ مجھ پر 2ایف آئی آرز تھیں اس لیے انڈر گرانڈ ہونا پڑا، کراچی اور ملک کی خدمت کے لیے سیاست کرتے رہیں گے۔اکرم چیمہ نے کہا کہ بچپن سے سنتے آ رہے ہیں کہ ملک نازک موڑ سے گزر رہا ہے، اب ہم اس ملک کو اس نازک موڑ سے آگے لے کر جائیں گے۔

موضوعات:پی ٹی آئی