اسلام آباد(این این آئی)سپریم کورٹ نے فوجی عدالتوں میں سویلین کے ٹرائل کے خلاف درخواستوں پر 9رکنی بینچ تشکیل دے دیا۔چیف جسٹس کی سربراہی میں 9رکنی لارجر بینچ جمعرات کو درخواستوں پر سماعت کرے گا۔سپریم کورٹ کے سینئر ترین جج قاضی فائز عیسیٰ بھی 9رکنی لارجر بینچ کا حصہ ہیں۔

جسٹس سردار طارق مسعود، جسٹس اعجازالاحسن، جسٹس منصور علی شاہ، جسٹس منیب اختر، جسٹس یحییٰ آفریدی، جسٹس مظاہر علی نقوی اورجسٹس عائشہ ملک بینچ کا حصہ ہیں۔کیس کی سماعت جمعرات دن 11بج کر 45منٹ پرہوگی۔واضح رہے کہ سپریم کورٹ میں سابق چیف جسٹس جواد ایس خواجہ نے سویلین کے ملٹری کورٹس میں ٹرائل کے خلاف درخواست دائر کی تھی۔

موضوعات:جسٹس فائز عیسیٰ