سکھر (این این آئی)سکھر ملتان موٹر وے پر ڈاکوئوں کی کارپر فائرنگ کے نتیجے میں 2 افراد جاں بحق ہو گئے۔سکھر ملتان موٹر وے پر گھوٹکی انٹرچینج کے قریب ڈاکوئوں نے فائرنگ کر کے 2 کار سوار افراد کو قتل کر دیا،لاشوں کو اسپتال منتقل کر دیا گیا ہے۔

پولیس کے مطابق ڈاکوئوں نے کار کو لوٹنے کی غرض سے روکنے کی کوشش کی اور نہ رکنے پر اس پر فائرنگ کر دی۔ڈاکوئوں کی فائرنگ سے کار سوار 2 افراد مہران مہر اور سعید لغاری جاں بحق ہو گئے جبکہ ڈاکو جلال الدین مہر نامی شخص کو اغواء کر کے ساتھ لے گئے۔پولیس نے ڈاکوؤں کے جاگیرانی گینگ کے اس واردات میں ملوث ہونے کا شبہ ظاہر کیا ہے۔پولیس کے مطابق ڈاکوئوں کا تعاقب جاری ہے، انہیں جلد گرفتار کر کے مغوی کو بازیاب کر لیں گے۔

موضوعات:موٹر وے