اسلام آباد (این این آئی)وفاقی دارالحکومت اسلام آباد کی ڈسٹرکٹ اینڈ سیشن کورٹ نے پاکستان تحریک انصاف کے رہنما شہر یار آفریدی کو جوڈیشل ریمانڈ پر جیل بھیج دیا۔شہر یار آفریدی کو جوڈیشل مجسٹریٹ کی عدالت میں پیش کیا گیا۔
شہر یار آفریدی کو جسمانی ریمانڈ مکمل ہونے پر اسلام آباد کی ڈسٹرکٹ اینڈ سیشن عدالت میں پیش کیا گیا۔جوڈیشل مجسٹریٹ نے شہر یار آفریدی کو جوڈیشل ریمانڈ پر جیل بھیج دیا۔واضح رہے کہ گزشتہ سماعت میں اسلام آباد کی ڈسٹرکٹ اینڈ سیشن کورٹ نے شہریار آفریدی کو 2 روزہ جسمانی ریمانڈ پر پولیس کے حوالے کیا تھا۔شہریار آفریدی کے خلاف 9 مئی کے واقعات پر تھانہ آئی نائن میں درج مقدمے کی سماعت ہوئی تھی۔
