مکوآنہ (این این آئی)سنٹرل جیل سے رہائی کے بعد پاکستان تحریک انصاف کے رہنما و سابق صوبائی وزیر میاں خیال احمد کاسترو پولیس کو چکمہ دیکر فرار ہونے میں کامیاب ہو گئے۔ذرائع کے مطابق سابق صوبائی وزیر میاں خیال احمد کاسترو نے پی ٹی آئی کو چھوڑنے والے سابقہ ایم این اے سے ملاقات کے دوران یقین دہانی کرائی تھی کہ وہ رہائی کے فوری بعد پریس کانفرنس کرکے تحریک انصاف کے ساتھ علیحدگی کا اعلان کرنا تھا ان کی رہائی کے پیش نظر جیل کے باہر پولیس کی بھاری نفری موجود تھی مگر میاں خیال احمد کاسترو پولیس کے ہتھے نہ چڑھ سکے اور موقع سے فرار ہو گئے اس طرح پی ٹی آئی کے ایک رہنما کی پریس کانفرنس کا پلان ادھورا رہ گیا۔سابق صوبائی وزیر میاں خیال احمد کاسترو پر بھی 9مئی کو توڑ پھوڑ احتجاج کرکے روڈ بلاک کرنے سمیت تھانہ غلام محمد آباد پر حملے کا بھی الزام ہے