اسلام آباد(این این آئی)پاکستان تحریک انصاف کے رہنماؤں علی محمد خان اور بیرسٹر ملیکہ بخاری کو رہائی کے فورا بعد دوبارہ گرفتار کر لیا گیا۔بیرسٹر ملیکہ بخاری کو اڈیالہ جیل کے باہر سے حراست میں لیا گیا،اسلام آباد پولیس کے مسلح اہلکاروں نے گرفتار کیا،پولیس اہلکار ملیکہ بخاری کو نامعلوم مقام پرمنتقل کردیاہے۔
تحریک انصاف کے رہنماء علی محمد خان کو ڈسٹرکٹ جیل جہلم سے رہائی کے بعد دوبارہ حراست میں لیا گیا،پنجاب پولیس کے اہلکاروں نے علی محمد خان کو بھی نا معلوم مقام پر منتقل کر دیا ہے۔اسلام آباد ہائیکورٹ نے بدھ کی دوپہر ہی علی محمد خان اور بیرسٹر ملیکہ بخاری کو رہا کرنے کے احکامات صادر کیے تھے، گزشتہ روز شیریں مزاری اور فلک ناز کو بھی رہائی کے بعد حراست میں لیا گیا تھا۔
