اسلام آباد (مانیٹرنگ ڈیسک ) نامور اینکر پرسن آفتاب اقبال کو رہا کر دیا گیا ۔ نجی ٹی وی کے مطابق سینئر اینکر پرسن آفتاب اقبال کو رہا کر دیا گیا ہے ،ساتھیوں کی جانب سے ان کی رہائی پر نعرے باز ی کر کے استقبال کیا گیا ۔خیال رہے کہ گزشتہ روز سینئر اینکر پرسن و صحافی آفتاب اقبال کو ان کے فارم ہائوس سے گرفتار کر لیا گیا تھا ۔

قبل ازیں پاکستان کے معروف اینکر عمران ریاض کو سیالکوٹ ائیرپورٹ سے گرفتار کیا گیا ہے۔ میڈیارپورٹ کے مطابق عمران ریاض سیالکوٹ سے مسقط روانہ ہورہے تھے تاہم ایف آئی اے حکام نے عمران ریاض کو آف لوڈ کر کے پولیس کے حوالے کر دیا۔ مزید بتایا گیا ہے کہ پولیس نے عمران ریاض کو نامعلوم مقام پر منتقل کر دیا ہے۔واضح رہے کہ عمران ریاض خان کی گرفتاری پر پولیس حکام نے تاحال کوئی بیان جاری نہ کرتے ہوئے خاموشی اختیار کر رکھی ہے۔