اسلام آباد (این این آئی)وزیردفاع خواجہ آصف نے سابق وزیراعظم عمران خان کی گرفتاری پر ردعمل کا اظہار کرتے ہوئے کہا ہے کہ اب صرف قانون حرکت کرے گا، قانون کسی کے تابع نہیں۔ اپنے بیان میں خواجہ آصف نے کہاکہ اقتدار میں عمران خان نے نیب نیب بہت کھیلا، فرمائشی گرفتاریاں ھوتی تھیں اور لاڈلا ضد کرتا ضد پوری ھوتی تھی۔انہوں نے کہا کہ قید میں لاڈلے کی انا کی تسکین کیلئے اذیتیں دی جاتیں تھیں، عمران خان کے دور میں بیٹیوں بہنوں کو بھی نیب نے گرفتار کیا۔انہوںنے کہاکہ اب صرف قانون حرکت کرے گا، قانون کسی کے تابع نہیں۔