اسلام آباد (نیوز ایجنسی )پاکستان انٹرنیشنل ایئر لائنز نے پاکستانی اور چینی مسافروں کی سہولت کی خاطر بیجنگ کے فضائی سفر کے کرایہ میں 30 فیصد کمی کا اعلان کردیا ۔

پی آئی اے کے ترجمان عبداللہ حفیظ خان نے تصدیق کرتے ہوئے کہا کہ کمپنی نے طلبا اور کاروباری افراد کے کئی بار کے مطالبے کو مدنظر رکھتے ہوئے کرایوں میں کمی کی ہے۔ انہوں نے نیوز ایجنسی شِنہوا کو بتایا کہ بیجنگ کے لئے پروازیں دوبارہ شروع ہونے کے بعد طلبا اور تاجروں کی ایک بڑی تعداد چین کا رخ کر رہی ہے جبکہ انہوں نے کئی بار پی آئی اے سے کرایوں کو کوویڈ 19 سے پہلے کے ٹکٹوں کی قیمتوں میں ایڈجسٹ کرنے کی درخواست کی لہٰذا ہم نے دو طرفہ سفر کی سہولت کے لئے یہ سہولت فراہم کی ہے۔

موضوعات:،پی آئی اے