اسلام آباد (این این آئی)اسلام آباد کی عدالت نے عمران خان اور بشری بی بی کے خلاف غیر شرعی نکاح کے کیس میں عون چوہدری کا بیان ریکارڈ کرانے کی درخواست منظور کرلی۔
ڈسٹرکٹ اینڈ سیشن کورٹ اسلام آباد کے جج نصر من اللہ نے درخواست پر محفوظ فیصلہ سنایا اور درخواست گزارکی جانب سے عون چوہدری کا بطور گواہ بیان ریکارڈ کرانے کی درخواست کو منظور کرلیا۔عدالت کی جانب سے اجازت دیے جانے کے بعد عون چوہدری آئندہ سماعت پر اپنا بیان قلمبند کرائیں گے۔
