اسلام آباد (مانیٹرنگ ڈیسک )پاکستان مسلم لیگ ن کے سینئر مرکزی رہنما و سابق وزیراعظم شاہد خاقان عباسی نے چیف جسٹس آف پاکستان عمر عطا بندیال کو قومی اسمبلی بلانے کا مطالبہ کر دیا ہے ۔ قومی اسمبلی سے خطاب کے دوران سابق وزیراعظم نے کہا ہے کہ چیف جسٹس سے پوچھا جائےکہ انہوں نے ایوان کی کاروائی کا ریکارڈ کیوں مانگا ہے؟ دوسری جانب وفاقی وزیردفاع خواجہ آصف نے پورے ایوان کی کمیٹی بنانے کی قرارداد پیش کردی ہے اور قومی اسمبلی سے خطاب میں کہا جسٹس منیر سے موجودہ عدلیہ تک آئین میں مداخلت کا معاملہ حل کیا جائے۔