اسلام آباد (این این آئی)بھارت نے وزیر خارجہ بلاول بھٹو کے طیارے کو گووا کیلئے فضائی روٹ دے دیا۔ تفصیلات کے مطابق شنگھائی تعاون تنظیم کے وزرائے خارجہ اجلاس میں شرکت کیلئے وزیر خارجہ بلاول بھٹو زرداری نے بھارت کا دورہ کرنا تھا
جس پر پاکستان سول ایوی ایشن اتھارٹی نے بھارتی سول ایوی ایشن اتھارٹی سے رابطہ کر کے وزیر خارجہ بلاول بھٹو زرداری کے طیارے کے گووا جانے کیلئے فضائی روٹ مانگا تھا جس پر اب بھارت نے وزیرخارجہ بلاول بھٹو کے طیارے کو گووا کیلئے فضائی روٹ دے دیا ہے، وزیرخارجہ بلاول بھٹو جمعرات کی صبح 11بجے خصوصی طیارے سے بھارت روانہ ہونگے۔ذرائع کے مطابق پاکستان سول ایوی ایشن اتھارٹی نے انتظامات مکمل کرلیے، بلاول بھٹو کے دورہ بھارت میں وفد بھی ہمراہ ہوگا، بلاول بھٹو خصوصی طیارے سے کراچی سے بھارتی شہر گووا جائیں گے۔
