لاہور( این این آئی)پاکستان پیپلزپارٹی کے مرکزی رہنما نبیل گبول نے کہا ہے کہ بلاول بھٹو کسی کی منت سماجت کرنے امریکہ نہیں جارہے،بلاول بھٹوکو امریکی سینیٹرز نے

دورے کی دعوت دی، وہ پاکستان کا مقدمہ لڑنے کے لیے ہی جارہے ہیں۔نجی ٹی وی سے گفتگو کرتے ہوئے انہوںنے کہا کہ بلاول بھٹو ایک بڑی سیاسی جماعت کے چیئرمین ہیں اورانہیں ایک حیثیت حاصل ہے۔ دوسری جانب پاکستان پیپلز پارٹی کے زیر اہتمام 5جولائی پیر کو یوم سیاہ منایا جائے گا ، ملک بھر میں پیپلز پارٹی کے زیر اہتمام حکومتی ایس او پیز کے مطابق احتجاجی تقاریب کا اہتمام کیا جائے گاجبکہ ذرائع ابلاغ کے ذریعے بھی خصوصی پروگرام نشر ہو نگے۔ 5جولائی 1977ء کو پیپلز پارٹی کے قائد اور منتخب وزیر اعظم ذوالفقار علی بھٹو کا تختہ الٹ دیا گیا تھا اس وجہ سے پیپلز پارٹی ہر سال 5جولائی کو یوم سیاہ مناتی ہے ۔