لاہور(این این آئی) مسلم لیگ (ن) پنجاب کے صدر رانا ثنااللہ نے پی پی 84سے لیگی امیدوار معظم کلو کی کامیابی پر اظہار تشکر کرتے ہوئے کہاکہ الحمد اللہ میاں نوازشریف کا بیانیہ کامیاب ہوااور میاں شہباز شریف کی محنت ایک مرتبہ پھر رنگ لائی ہے۔مسلم لیگ(ن)کے امیدوار معظم شیر کلو نے 2018کے الیکشن کی نسبت 7ہزار زائد ووٹ لیے اور 10 ہزار سے زیادہ لیڈ سے کامیابی حاصل کی ،جو لوگ کل تک کہتے تھے نوازشریف کا بیانیہ ناکام ہوگیا ہے وہ آج کسی کو منہ دیکھانے کے قابل نہیں رہے۔

انہوں نے کہاکہ پی پی 84خوشاب کی عوام بھی مبارکباد کی مستحق ہے جہوں نے حق اور سچ کا ساتھ دیا۔ووٹ چوروں اور دھاندلی زدہ ٹولے کی انتقامی سیاسی ایک بار پھر خوشاب میں دفن ہو گئی ہے،ہر ضمنی الیکشن میں شیر کی دھاڑپہلے سے تیز ترین ہو جاتی ہے۔انشااللہ وہ دن دور نہیں جب پاکستانی عوام جعلی تبدیلی کو ہمیشہ کیلئے سمندر برد کردینگے۔عمرانی ٹولے نے ڈھائی سالوں میں جو تباہی مچائی ہے، اس کا حساب لیا جائے گا۔کسی چینی،آٹا ،پیٹرول مافیا اور ادویات چور کو بھاگنے نہیں دینگے۔