لاہور( این این آئی )مسلم لیگ(ن) پنجاب کی سیکرٹری اطلاعات عظمی بخاری نے کہا ہے کہ بدبودار حکومت نے لاہور کوکچرا کنڈی شہر بنادیا ہے ،چھ ماہ سے لاہور کی سڑکوں پر ہزاروں ٹن کوڑا پڑا ہے ،دو ہفتوں سے ایل ڈبلیو ایم سی کے چیئرمین اور تین بورڈ ممبر مستعفی ہیں،ترک کمپنیاں چار ارب کی عدم ادائیگی پر عدالتوں کے چکر لگارہی ہیں۔ اپنے بیان میں انہوں نے کہا کہ پنجاب کا ایک وزیر کوڑے میں بھی کروڑوں کی دیہاڑی لگاگیا ہے ،جو حکومت

کوڑا اٹھانے کی صلاحیت نہیں رکھتی وہ پچاس لاکھ گھر ایک کروڑ نوکریاں کیسے دے گی ۔ انہوں نے کہا کہ فردوس امجد جتنا پی ڈی ایم کو یاد کرتی ہیں اتنا تو ہیر نے رانجھے کو بھی یاد نہیں کیا ہوگا،جو حکومت کوڑے پر بھی حصہ وصول کرے اس سے عوامی فلاح کی توقع کیسے رکھے ،پنجاب حکومت نے اب گھروں اور دکانوں سے بھی ’’کوڑا ٹیکس‘‘لینے کا فیصلہ کیا ہے ،نیا پاکستان ڈیم فنڈ،کورونا فنڈ کے بعد اور اب کوڑا ٹیکس سے بنے گا۔

موضوعات:عظمیٰ بخاری