سرگودھا(این این آئی)سرگودھا میں 60 سالہ بوڑھے نے 12 سالہ بھتیجی کو اغواء کر کے شادی رچا لی۔جس کی عدالت میں درخواست پر ایڈیشنل سیشن جج سرگودھا نے واقعہ کا مقدمہ درج کرنے کا حکم دے دیا ۔زرائع کے مطابق

سرگودھا جھنگ روڈ کے قصبہ پنج پیر نہنگ کے فیض حسین نے فاضل عدالت کے جج محمد اعجاز رضا کو درخواست دی کہ امان اللہ اس کا بہنوئی اورہمشیرہ زاہدہ بی بی کا شوہر ہے جو 6 جنوری 2021 کو اس کے گھر آیا اور اس کی بیوی سے کہنے لگا کہ زاہدہ بی بی کی طبیعت خراب ہے اور 12 سالہ بیٹی قرة العین کو پھوپھا ساتھ لے گیا اور جب جس ہمشیرہ کی خیریت دریافت کرنے کے لیے فون کیا تو انکشاف ہوا کہ وہ تو بالکل تندرست ہے جس پر معاملہ کی چھان بین کی تو معلوم ہوا کہ 60 سالہ پھوپھا امان اللہ نے 12 سال بھتیجی قرة العین بی بی کو اغواء کے کے نکاح کر رکھا ہے۔ درخواست گزار فیض حسین نے بطور ثبوت عدالت نے ان کی شادی کا نکاح نامہ پیش کیا جس پر فاضل جج محمد اعجاز رضا نے امان اللہ سمیت نکاح خواہ قاری فاروق اور شادی کے گواہان امان اللہ اور تنزیل الرحمن کے خلاف مقدمہ درج کرنے کا حکم دے دیا۔