وزیراعظم پہلے 16اراکین کوباہر نکالیں پھر اعتماد کا ووٹ لیں ،لیگی رہنما نے حیرت انگیز بات کر دی

  جمعہ‬‮ 5 مارچ‬‮ 2021  |  23:51

اسلام آباد(آن لائن)مریم نواز کے ترجمان محمدزبیر نے کہا ہے کہ بقول وزیراعظم16اراکین سینیٹ الیکشن میں بکے تو پہلے عمران خان ان کو باہر نکالیں پھر اعتماد کا ووٹ دیں ،اب اگر انہی سے اعتماد کا ووٹ لیتے ہیں تو صاف و شفاف انتخابات اور بکائو مال کیخلاف کارروائی کا بیانیہ دفن ہوجاتا ہے، اعتماد کے ووٹ کیلئے وہ اراکینصاف و شفاف ہو گئے اگر ووٹ نہ دیں تو بکائو مال ہو گیا ،عمران خان کا صاف و شفاف انتخابات اور بکائو مال کیخلاف کارروائی کا بیانیہ دفن ہو گیا۔ میڈیا سے گفتگو کرتے ہوئے مسلم لیگ(ن) کے رہنما و


سابق گورنر سندھ محمد زبیر نے کہا کہ ہم نے عمران خان کیلئے کوئی کھلا میدان نہیں چھوڑا ،ہم ایسی کوئی چیز نہیں کریں گے جس سے عمران خان کو تقویت ملے ، پی ڈی ایم نے مشترکہ فیصلہ کیا ہے کہ (آج) قومی اسمبلی کے اجلاس کا بائیکاٹ کیا جائے گا ،انہوںنے کہاکہ عمران خان ایوان اور عوام کا اعتماد کھو چکے ہیں اور اس کی تصدیق صدرمملکت نے اجلاس بلانے کیلئے جاری کی گئی سمری میں بھی کرلیا ہے ۔اس سے پہلے چاروں صوبوں میں حکومتی پارٹی ضمنی الیکشن ہار گئی ، پنجاب اور خیبرپختونخوا اپنے گڑھ میں بھی الیکشن ہار گئی اس کا مطلب ہے کہ عوام نے حکومت پر عدم اعتماد کا اظہار کیا ہے ، سینیٹ الیکشن میں حفیظ شیخ اور یوسف رضا گیلانی کے چنائو کے دوران بھی وزیراعظم اپنا اعتماد کھو گئے اور اراکین نے وزیراعظم کے امیدوار کیخلاف ووٹ دیا ۔ایک سوال کے جواب میں انہوںنے کہاکہ وزیراعظم اب آئینی طورپر بھی وزیراعظم نہیں رہیں گے کیونکہ بقول وزیراعظم انہوں نے کہا کہ 16اراکین نے پیسے لئے اور چوری کرتے ہوئے پکڑے گئے ہیں اب وزیراعظم ان سولہ اراکین سے بھی اعتمادکا ووٹ لینے جارہے ہیں ۔اب عمران خان کا وہ بیانیہ کہاں گیا ؟ ہم صاف و شفاف الیکشن چاہتے ہیں ۔وزیراعظم اب پہلے سولہ اراکین کو باہر نکالیں پھر اعتماد کا ووٹ لیں ،اب ان سولہ اراکین کو ڈرا اور دھمکا کے ان سے اعتماد کا ووٹ لیا جارہا ہے ، عمران خان کو شرم کرنی چاہیے جن کو وہ بکائو مال کہتے ہیں اب انہیں سے اعتماد کا ووٹطلب کررہے ہیں ۔سولہ اراکین کو معافی کے حوالے سے سوال پر انہوںنے کہا کہ وزیراعظم کیا چیف جسٹس سپریم کورٹ ہیں جنہوںنے ان کو معاف کردیا اگر ان سولہ اراکین نے رشوت دی ہے اور پیسے کھائے ہیں تو پھر ان کو کیوں معاف کررہے ہیں ؟ ان کو باہر نکالیں پھر اعتماد کا ووٹ لیں ۔وزیراعظم نے کہا جن لوگوں نے پیسے لے کر ضمیر کا سودا کیا ہے ان کے نام بھی پتہ ہیں تو پھر ان کو اعتماد کا ووٹ لینے سے پہلے کیوں نہیں نکالتے ؟


موضوعات:

زیرو پوائنٹ

12ہزار درد مندوں کی تلاش

ارشاد احمد حقانی (مرحوم)’’ ریڈ فائونڈیشن‘‘ کا پہلا تعارف تھے‘ حقانی صاحب سینئر صحافی تھے‘ سیاسی کالم لکھتے تھے اور یہ اپنے زمانے میں انتہائی مشہور اور معتبر تھے‘ میری عمر کے زیادہ تر صحافی ان کی تحریریں پڑھ کر جوان ہوئے اور صحافت میں آئے‘ حقانی صاحب ہر رمضان میں چند قومی این جی اوز اور خیر کا کام ....مزید پڑھئے‎

ارشاد احمد حقانی (مرحوم)’’ ریڈ فائونڈیشن‘‘ کا پہلا تعارف تھے‘ حقانی صاحب سینئر صحافی تھے‘ سیاسی کالم لکھتے تھے اور یہ اپنے زمانے میں انتہائی مشہور اور معتبر تھے‘ میری عمر کے زیادہ تر صحافی ان کی تحریریں پڑھ کر جوان ہوئے اور صحافت میں آئے‘ حقانی صاحب ہر رمضان میں چند قومی این جی اوز اور خیر کا کام ....مزید پڑھئے‎