گلگت بلتستان (آن لائن) مسلم لیگ گلگت بلتستان کے صدر حافظ حفیظ الرحمن نے پارٹی صدارت سے مستعفی ہونے کا اعلان کر دیا۔ اپنے بیان میں انہوں نے کہا گلگت بلتستان انتخابات میں ریاست کی بکسہ چوری نہیں روک سکا۔ انہوں نے کہا سیاسی جماعت سے مقابلہ تو کرسکتا تھا لیکن ریاست سے مقابلہ ممکن نہیں تھا۔ اپنی ناکامی
کا اعتراف کرتے ہوئے پارٹی صدارت سے مستعفی ہونے کا اعلان کرتا ہوں ۔ انہوں نے کہا رانا ثناء اللہ جیسے ببر شیر نہیں بن سکے۔ انہوں نے کہا پارٹی نے جس اعتماد کا اظہار کیا اس پر پورا نہیں اتر سکا۔ انہوں نے کہا صوبائی صدر کے عہدے سے استعفیٰ دیتا ہوںعام سپاہی کی طرح ووٹ کو عزت دو کی جدو جہد جاری رکھوں گا۔
