لاہور(این این آئی )مسلم لیگ(ن) پنجاب کی سیکرٹری اطلاعات عظمیٰ بخاری نے کہا ہے کہ پاکستان کا سب سے بڑا کرپشن مافیا عمران خان کے دائیں بائیں بیٹھا ہے،پی ٹی آئی اگر الیکشن کمیشن کو با اختیار سمجھتی ہے تو اس کی اتھارٹی کو چیلنج کیوں کررہی ہے؟خادمہ صاحبہ پی ڈی ایم نے حکومت کی دم پر پائوں رکھ دیا ہے اس لیے آپ تلما رہی ہیں۔اپنے بیا ن میں عظمی بخاری نے کہاکہ عمران خان نے آج تک چینی مافیا ،گندم مافیا ،پیٹرول مافیا اور ادویات مافیا سے ٹکر کیوں نہیں لی؟عمران خان کے پاکستان میں کرپشن کا ریٹ دوسو گنا بڑھ گیا ہے۔انہوں نے کہاکہ
ملکی و غیر ملکی میڈیا سمیت عالمی ادارے عمران کان کو سرٹیفائیڈ کرپٹ وزیراعظم قراردے رہے ہیں۔خادمہ صاحبہ اپنے ’’منہ میاں مٹھو‘‘بننے سے آپ لوگ پاکدامن نہیں ہو سکتے۔کرپشن اور چوری کی سندیں اور تمغے عمران حکومت کے ماتھے کا جومر بن چکی ہیں۔حکمران کھابھی رہے ، عوام کو رولا بھی رہے ہیں اور مزید مہنگائی سے ڈرا بھی رہے ہیں۔عمران خان کا ہر وزیر ،مشیر اور دوست نئے پاکستان سے اپنا اپنا حصہ دل کھول کے وصول کررہا ہے۔نیب،ایف آئی اے سمیت کسی ادارے کو عمران خان کے دوستوں کے ڈاکے نظر نہیں آرہے۔
