کراچی(این این آئی)کم عمر موٹر سائیکل چوروں کے پکڑے جانے کی ویڈیو سوشل میڈیا پر وائرل ہوگئی ، زمان ٹائون کے علاقے کورنگی میں ایک شہری کی جانب سے مددگار ون فائیو کی اطلاع پر تین رکنی موٹر سائیکل چور گروپ پکڑا گیا، کم عمر چور
موٹر سائیکل چوری کرکے انکے پارٹس کھول کر کباڑیوں کو کلوکے دام فروخت کرتے تھے۔ملزم اویس نے ویڈیو بیان میں بتایا ہم تین دوست موٹرسائیکلیں چوری کرکے 800روپے میں ایک موٹر سائیکل فروخت کرتے تھے۔ پولیس نے ملزم اویس کے ساتھی ابصار کے گھر سے چوری کی گئیں بارہ سے زائد موٹر سائیکلیں کھولیں ہوئی پارٹس کی صورت میں برآمد کی۔ پولیس نے مقدمات درج کرکے گرفتار ملزمان کے ساتھی سمیع اور کباڑیوں کی تلاش شروع کردی۔ اس اطلاع پر محلے کے تین مکین بھی موقع پر بھی موقع پر پہنچ گئے اپنی چوری کی گئی موٹر سائیکلیں پہچان لی اور لاک میں چابی لگا کر پولیس کو دیکھائی ، ایک مکین نے کہاکہ ایک ہفتہ قبل جمعے کو گھر کے باہرسے میری موٹرسائیکل چوری ہوئی تھی جو شعیب نامی گھر سے مل گئی۔
