سرگودھا(این این آئی)سرگودھا میں نوجوان نے اپنی سوتیلی بہن سے شادی کر لی ،تین شادیاں کرنیوالے باپ نے بیٹے اور بیٹی،گواہان سمیت دس افراد کیخلاف مقدمہ درج کروا دیا جس کے اندراج پر پولیس مصروف تاحال مصروف تفتیش ہے۔ذرائع کے مطابق سرگودھا کی تحصیل بھلوال کے گائوں لوکڑی میں صوبہ خان نے 1992 میں بہن کا رشتہ دے کر وٹہ میں

خورشید بی بی سے شادی کی جس کے بطن سے بیٹے سکندر نے جنم لیا اور دونوں گھرانوں پر تناؤ پر بہن کو طلاق ہوئی تو صوبہ خان نے بھی بیوی کو طلاق دے دی اور بچی زہرہ بی بی کی ماں شہناز بی بی سے دوسری شادی کر لی جس سے ایک بیٹا اور 6 بیٹاں ہوئیں تو میاں بیوی میں اختلا ف پرصوبہ خان نے دوسری بیوی کو طلاق دے کرتیسری شادی رچا لی ۔ اس عرصہ میں دونوں بیویوں کے بچے جوان ہو گئے تو پہلی بیوی سے بیٹے سکندر نے سوتیلی بہن زہرہ بی بی سے محبت میں شادی کر لی جس کا صوبہ خان کو چار پانچ ماہ بعد اس وقت علم ہواجب کسی نے اسے ان کی شادی کا نکاح نامہ واٹس ایپ کیا جس پر وہ غصے سے باہر ہو گیا۔ اس نے کہا ہے کہ میرے بیٹے سکندر کی شادی میں اہم کردار اس کی ماں پہلی مطلقہ بیوی خورشید بی بی کا ہے جس نے دونوں کی شادی کروا کر اپنا بدلہ لیا ہے۔صوبہ خان نے مطلقہ بیوی خورشید بی بی پر الزام عائد کیا کہ وہ بیٹے کو پیسے بھی بھجواتی ہے،اس سارے عمل میں خورشید بی بی

کو چار پانچ افراد فرزانہ بی بی، عاقب، عدنان اور ان کے قریبی رشتہ داروں کی سپورٹ حاصل ہے۔جبکہ اس صورتحال میں بچو ں کے باپ صوبہ خان کا کہنا ہے کہ بیٹا سکندر اسلام آباد میں کسی دکان پر دن بھر کام کرتا اور دکان مالک سے جلدی چھٹی لیکر گھر چلا جاتا تھا جس کے مالک

کو تشویش ہوئی تو انکشا ف ہوا کہ سکندر نے تو شادی کر رکھی ہے جس سے سوتیلی بہن بھائی کی شادی کا نکاح نامہ سامنے آ گیا۔اس شادی کے دولہا سکندر کے والد صوبہ خان کی مدعیت میں تھانہ اربن ایریا پولیس نے دولہا ،دلہن،گواہان سمیت 10 افراد کے خلاف مقدمہ درج کر لیا ہے اور جلد ہی ملزمان کی گرفتاری کا دعویٰ کیا ہے۔