لاہور( این این آئی)محکمہ داخلہ نے پولیس میں کانسٹیبلز بھرتی کرنے کی اجازت دے دی۔محکمہ داخلہ نے پنجاب پولیس میں بھرتیوں پر عائد پابندی اٹھانے کے حوالے سے سمری کیبنٹ کمیٹی برائے فنانس اینڈ بزنس کو ارسال کردی ہے۔سمری میں لکھا گیا ہے کہ پنجاب پولیس میں
عائد بھرتیوں پر پابندی مستقل طور پر اٹھا لی جائے اور پولیس کو کانسٹیبل کی بھرتی کی اجازت دی جائے، پنجاب پولیس تمام اضلاع میں کانسٹیبل بھرتی کرنے کا پلان رکھتی ۔محکمہ داخلہ کا کہنا ہے کہ کیبنٹ سے سمری کی منظوری کے بعد نوٹیفکیشن جاری کر دیا جائے گا۔ دوسری جانب وفاقی حکومت نے پنجاب سے دو پولیس افسران کی خدمات مانگ لیں،محکمہ ایس اینڈ جی اے ڈی نے آئی جی آفس کو دونوں افسران کو این او سی جاری کرنے کا مراسلہ لکھ دیا ۔وفاقی حکومت نے ایس پی ہارون رشید خان اور سی پی او فیصل آباد ڈی آئی جی سہیل چودھری کی خدمات مانگی ہیں ۔ علاوہ ازیںپنجاب کیلئے گریڈ اکیس کے پولیس افسر اکرم نعیم بھروکا کی خدمات بھی مانگ لی گئی ہیں، اکرم نعیم بھروکا اس سے قبل بھی پنجاب میں خدمات سر انجام دے چکے ہیں۔
