اسلام آباد(مانیٹرنگ ڈیسک /آن لائن)2018ءکے سینٹ انتخابات میں ووٹوں کی خریدو فروخت کی ویڈیو معاملہ ، اسپیکر قومی اسمبلی اسد قیصر کا اہم بیان جاری ۔ تفصیلات کے مطابق انہوں نے ویڈیو سے متعلق کہا ہے کہ یہ جگہ اسپیکر ہائوس پشاور نہیں اور نہ میرا اس سے کوئی لینا دینا ہے ۔ سماجی رابطے کی ویب سائٹ ٹویٹر پر انہوں نے کہا ہے کہ ویڈیو میں دیکھائی جانیوالی

جگہ اسپیکر ہائوس پشاور ہے اور نہ میرا اس معاملے سے کوئی لینا دینا ہے،2018ءمیں تحریک انصاف کے چیئرمین و وزیراعظم پاکستان عمران خان نے بتایا کہ اس طرح کر لین دین ہوا ہے اور ساری پارٹی کا فیصلہ تھا ان ممبران کیخلاف سخت کاروائی کی جائے ۔ اس طرح کے بیانات صرف معاملے سے توجہ ہٹانے کی بھونڈی کوشش ہے ۔ واضح رہے کہ ) سینیٹ الیکشن 2018 میں ایم پی ایز کی خرید و فروخت کی ویڈیو منظر عام پر آگئی ہے جس میں میں اراکان اسمبلی کو پیسے وصول اور ادا کرتے دیکھا جاسکتا ہے۔2018 میں پی ٹی آئی ارکان کو خریدنے کیلئے نوٹوں کے ڈھیر لگا دیئے گئے۔ سینیٹ الیکشن 2018 میں ووٹ کے بدلے ضمیر کے سودے ہوتے رہے۔ 2018 میں پی ٹی آئی کے 20 ارکان کو فارغ کیا گیا، 2018 کے سینیٹ الیکشن میں پی ٹی آئی ارکان کروڑوں میں بکے۔ پاکستان تحریک انصاف کے رہنما فواد چودھری نے نجی ٹی وی سے گفتگو کرتے ہوئے کہا کہ ووٹ کے بدلے پیسے لینا انتہائی شرم کی بات ہے، سپریم کورٹ کو معاملے پر ازخود نوٹس لینا چاہیئے، فنڈنگ میکنزم پر قانون سازی ہونی چاہیئے، یہ لوگ پیسے خرچ کر کے ایوان میں آتے ہیں جبکہ معاون خصوصی شہباز گل کا کہنا تھا کہ وزیراعظم 25 سال سے اس معاملے کو اٹھاتے رہے، عمران خان نے الیکشن میں خرید و فروخت کیخلاف آواز اٹھائی ہے۔ تحریک انصاف نے ملوث ارکان کیخلاف اس وقت کاروائی کرتے ہوئے 20رہنمائوں کو پارٹی سے نکال دیا تھا ۔