پشاور (آن لائن )2018 کے سینیٹ الیکشن میں ووٹ خریدنے کی مبینہ ویڈیو سامنے آنے پر پاکستان پیپلز پارٹی کے سابق رکن صوبائی اسمبلی (ایم پی اے) خیبر پختونخوا محمد علی باچا نے کہا ہے کہ انہوں نے کسی کوپیسے دیے ہی نہیں، ویڈیو ایڈٹ کی گئی ہے۔اپنے بیان میں

محمد علی باچا نے دعویٰ کیا ہے کہ اس وقت وہ وہاں موجود ہی نہیں تھے، انہوں نے استفسار کیا کہ کیا ویڈیو میں نظر آرہا ہے کہ کسی کو پیسے دیے ہیں؟ ان کا کہنا ہیکہ 2005 میں تین ووٹوں سے بھی سینیٹرز بنے ہیں، ممبر صوبائی اسمبلی کوکوئی خرید نہیں سکتا، ارکان اسمبلی اپنے ضمیرکے مطابق ووٹ دیتے ہیں۔ خیال رہیکہ 2018 کے سینیٹ انتخابات میں ارکانِ خیبرپختونخوا اسمبلی کی مبینہ خرید و فروخت کی ویڈیو منظرعام پر آگئی ہے۔ویڈیو میں دیکھا جاسکتاہیکہ ارکان خیبرپختونخوا اسمبلی کے سامنے نوٹوں کے ا نبار لگے ہیں اورپیپلزپارٹی کے سابق ایم پی اے محمد علی باچا رقم تحریک انصاف کے ارکان کو دیتے نظر آرہے ہیں۔ویڈیو میں ووٹ فروخت کرنے کیالزام میں حال ہی میں مستعفی ہونے والے صوبائی وزیر قانون سلطان محمد رقم وصول کرکے بیگ میں رکھتے نظر آرہے ہیں، ان کے علاوہ پی ٹی آئی کے سردار ادریس اور خاتون ایم پی اے معراج ہمایوں بھی رقم وصول کرکے بیگ میں رکھتی دکھائی دے رہی ہیں۔ دریں اثناء پی ٹی آئی کے سردار ادریس نے بھی تردید کرتے ہوئے کہا ہے کہ وائرل ویڈیو مخالفین کی سازشوں کا نتیجہ ہے، ویڈیوایڈٹ کی گئی ہے۔انہوں نے کہا کہ حقیقت سے اس کا کوئی تعلق نہیں، وہ ثابت کریں گے کہ انہوں نے ووٹ پی ٹی آئی کو ہی دیا تھا۔