جمعہ‬‮ ، 15 اگست‬‮ 2025 

نکاح رجسٹرڈ نہ کرانے پر سزا ،والد بالغ بچے کے خرچے کا پابند وفاقی کابینہ نے مسلم عائلی قوانین ترمیمی بل کی منظوری دیدی

datetime 9  فروری‬‮  2021
ہمارا واٹس ایپ چینل جوائن کریں

اسلام آباد(مانیٹرنگ ڈیسک)وفاقی کابینہ نے مسلم خاندانی(عا ئلی ) قوانین (ترمیمی)بل 2020 کی منظوری دیدی ہے جسے اب پارلیمنٹ میں پیش کیا جا ئے گا۔ روزنامہ جنگ میں رانا غلام قادر کی شائع خبر کے مطابق یہ بل مسلم خاندانی قوانین آرڈیننس 1961 پاکستان کا اہم ترین

اصلاحی قانون ہے جس میں مسلم شادیوں اور طلاق کی رجسٹریشن، کثرتِ ازدواجpolygamy، جانشینی successionاور بیوی بچوں کے نان ونفقہmaintenance جیسے موضوعات شامل ہیں،نکاح رجسٹرڈ نہ کرانے پر سزا، والد بالغ بچے کے خرچے کا پابند ہوگا، زائرین کومحافظ فنڈ سے مالی مدد دی جا ئیگی،اٹھارویں آئینی ترمیم کے بعد ،یہ موضوع صوبوں کو منتقل ہوچکا ہے اور وفاقی حکومت صرف اسلا م آباد تک محدود ہے۔متعدد فورمزنے وقتاً فوقتا ًمذکورہ آرڈیننس میں ترمیم کی تجاویز پیش کی تھیں۔ لہذا مذکورہ ایکٹ میں ترمیم کیلئے ، وزارتِ مذہبی امور نے ، ICTکی حد تک ،مسلم خاندانی قوانین (ترمیمی)بل 2020 کے عنوان سے ایک سرکاری بل processکیا ہے۔ مذکورہ بل وزارتِ قانون و انصاف کی رائے کے مطابق مزید غور و خوض کے لئے وفاقی کابینہ کی ذیلی کمیٹی CCLCمیں پیش کیاگیا ۔ CCLC نے مختصر ترمیم کے بعد وزارت مذہبی امور کے مجوزہ مسلم خاندانی قوانین(ترمیمی)بل

2020 کو وفاقی کابینہ میں منظوری کیلئے پیش کیا۔ بل کے مطابق موجودہ آرڈیننس کے کچھ سیکشنز میں درج جرمانے کی رقم کوبڑھایا جائیگا۔طلاق کی رجسٹریشن کے طریقہ کار میں بہتری لانا اور طلاق ِتفویض کے معاملات میں رجسٹریشن کو یقینی بنایا جا ئے گا۔ نابالغ بچوں

کے نان نفقہ وغیرہ کیلئے ان کے والد کو پا بند کیا جا ئے گا۔ بل کے تحت نکاح رجسٹرڈ نہ کروانے کی صورت میں ایک تا تین ماہ قید یا 25 ہزار روپے جرمانہ یا دونوں سزائیں جرم کی نوعیت کے مطابق دی جا سکتی ہیں۔مسلمان مرد یا عورت طلاق تفویض کا حق استعمال کرنے کی

صورت میں 7 دن کے اندر اندر یونین کونسل کو تحریری طور پر آگاہ کرنے کے پابند ہونگے ۔فریقین میں سے بغیر نوٹس کے طلاق دینے کی صورت میں یونین کونسل کو تحریری طور پر طلاق سے متعلق آگاہ کرنے کے پابند ہونگے۔ اگر کوئی شوہر اپنی بیوی ،کم عمربچوں،معذور بچوں

اور غیر شادی شدہ بیٹیوں کو مناسب نان و نفقہ مہیا کرنے میں ناکام رہتا ہے یا ایک سے زائدبیویوں کو یکساں نفقہ مہیا کرنے میں ناکام رہتا ہے) تو بیوی/ بیویاں اپنے اور دیگر کے نفقہ کیساتھ ساتھ کسی اور قانونی چارہ جوئی کیلئے بھی چیئرمین کودرخواست دے سکتی ہے/ہیں۔

چیئرمین اس معاملے کا تعین کرنے کیلئے ثالثی کونسل تشکیل دے گا ،جو اس رقم کی تقرری کیلئے ایک سرٹیفکیٹ جاری کریگی جو شوہر کو بطور نفقہ اداکرنی پڑے گی۔طلاق کے بعداگر بیوی اپنے دودھ پیتے بچے کو دودھ پلانا جاری رکھتی ہے تو وہ اس مدت تک کیلئے منا سب قیمت کی حقدار

ہو گی لیکن یہ مدت دو سال سے زیادہ نہ ہو۔علاوہ ازیں و فاقی کابینہ نے زائرین مینجمنٹ پالیسی کی منظوری دیدی ،یہ پالیسی اب عمل درآ مد کیلئے تیار ہے ۔ ذ رائع کے مطابق یہ پالیسی اس لئے تیار کی گئی ہے کہ ایران ، عراق اور شام کے مقدس مقامات کے زائرین کے لئے کوئی باقاعدہ فریم ورک موجود نہیں ہے جس کے باعث زائرین کو بہت سی مشکلات کا سامنا تھا۔ پالیسی کے مطابق زائرین کے سیکورٹی انتظامات متعلقہ صوبائی حکومتوں کی ذمہ داری ہوگی۔ ذرائع نقل و حمل کی تنوع ، یعنی روڈ ، ایئر اور فیری خدمات کی ترغیب دی جائے گی۔

موضوعات:

آج کی سب سے زیادہ پڑھی جانے والی خبریں


کالم



شیلا کے ساتھ دو گھنٹے


شیلا سوئٹزر لینڈ میں جرمنی کے بارڈرپر میس پراچ(Maisprach)میں…

بابا جی سرکار کا بیٹا

حافظ صاحب کے ساتھ میرا تعارف چھ سال کی عمر میں…

سوئس سسٹم

سوئٹزر لینڈ کا نظام تعلیم باقی دنیا سے مختلف…

انٹرلاکن میں ایک دن

ہم مورج سے ایک دن کے لیے انٹرلاکن چلے گئے‘ انٹرلاکن…

مورج میں چھ دن

ہمیں تیسرے دن معلوم ہوا جس شہر کو ہم مورجس (Morges)…

سات سچائیاں

وہ سرخ آنکھوں سے ہمیں گھور رہا تھا‘ اس کی نوکیلی…

ماں کی محبت کے 4800 سال

آج سے پانچ ہزار سال قبل تائی چنگ کی جگہ کوئی نامعلوم…

سچا اور کھرا انقلابی لیڈر

باپ کی تنخواہ صرف سولہ سو روپے تھے‘ اتنی قلیل…

کرایہ

میں نے پانی دیا اور انہوں نے پیار سے پودے پر ہاتھ…

وہ دن دور نہیں

پہلا پیشہ گھڑیاں تھا‘ وہ ہول سیلر سے سستی گھڑیاں…

نیند کا ثواب

’’میرا خیال ہے آپ زیادہ بھوکے ہیں‘‘ اس نے مسکراتے…