نوشہرہ کینٹ(آن لائن)پاکستان مسلم لیگ ن کے مرکزی رہنما ممبر قومی اسمبلی کیپٹن صفدرنے کہا ہے کہ قوم کو یرغمال بناکر پارلیمنٹ کو بھی یرغمال بنادیا گیاہے۔پی ڈی ایم کی لانگ مارچ سے سلکٹیڈ حکمرانوں کی نیندیں اڑچکی ہیں۔شو آف ہینڈ پر ترمیم پر اپوزیشن کو اعتماد میں لیے بغیر حکومت سپریم کورٹ چلی گئی اب صدارتی

حکم ناموں سے اسمبلی چلانے کی کوشش کی جارہی ہے۔احتساب صرف اپوزیشن کا ہورہا ہے ۔آئی ایم ایف سے معاہدہ کرکے بجلی پٹرول مہنگا کرکے غریب کے منہ سے دو وقت کی روٹی کا نوالہ چھین لیا گیاہے۔چینی آٹا ادویات کمشن کی انکوئری ،بی ار ٹی پشاور کا احتساب کب ہوگا۔حکومتی اداروں میں بیٹھے چوروں پر ہاتھ ڈالنا چاہے، ان کا احتساب ہونا چاہیے۔عمران خان کی ہمشیرہ پر نیب ہاتھ ڈالتا ہے تو محترمہ کہتی ہے کہ سلائی مشینوں سے پیسہ کمایا ہے ۔پی ڈی ایم کے بارے میں افواہیں پھیلانے والوں کا منہ کالا ہوگیا۔ پی ڈی ایم پہلے سے زیادہ مظبوط اور آپس میں متفق ہیں۔مولانا فضل الرحمن سچے گھرے سیاستدان ہیں،سیاست کے داو پیج سے خوب واقف ہے۔نوازشریف نے ووٹ کو عزت دو کا نعرہ لگاکر پاکستانی قوم کو بیداری کا ویجن دیاہے۔ریموٹ کنٹرول سے حکومت نہیں چلائی جاسکتی۔آنے والا دو پاکستان مسلم لیگ ن اور پی ڈی ایم کا ہے۔ضمنی الیکشن میں عوام ووٹ چوری کرنے نہ دیں اپنے ووٹ پر خود پیرا دیں۔ان خیالات کا اظہار انہوں نے نوشہرہ کے علاقے کابل ریور میں ایک بڑے انتخابی جلسہ سے خطاب کرتے ہوئے کیا۔انتخابی جلسہ سے پاکستنا ن مسلم لیگ ن کے پی کے 63کے نامزد امیدوار اختیار ولی ،جمعیت علما ٗ اسلام ف کے ضلعی سیکڑیری جنرل مفتی حاکم علی نے بھی خطاب کیا۔پاکستان مسلم لیگ ن کے مرکزی رہنما ممبر قومی اسمبلی کیپٹن صفدرنے کہا ہے کہ نوشہرہ کی عوام 19فروری کو ضمنی الیکشن میں پاکستان مسلم لیگ ن کو کامیاب کریں۔