اسلام آباد (مانیٹرنگ ڈیسک) یوم یکجہتی کشمیر ، وزیراعظم عمران خان کی آمد سے قبل دو گروپ آپس میں گتھم گتھا ہو گئے ، بڑی تعداد میں کارکنان زخمی ۔ وزیراعظم عمران خان کی آمد سے قبل تحریک انصاف کے دو گروپ آپس میں ہی لڑ پڑے اور ہاتھی پائی کے نتیجے میں 10کارکن
زخمی ہوگئے۔میڈیا اطلاعات کے مطابق وزیر اعظم پاکستان عمران خان آج یوم یکجہتی کشمیر کے سلسلہ میں کوٹلی آرہے ہیں اوران کی آمد کے سلسلے میں صدر تحریک انصاف آزاد کشمیر بیرسٹر سلطان محمود چوہدری عوامی رابطہ مہم کیلیے کھوئی رٹہ ریسٹ ہاؤس پہنچے تو تحریک انصاف رفیق نیئر گروپ اور انصر ابدالی گروپ کے کارکنان کے درمیان نعرہ بازی شروع ہوگئی۔دونوں گروپوں کے کارکنان اسٹیج پر بیرسٹر سلطان محمودچوہدری کے قریب جگہ حاصل کرنے کی کوششوں میں آپس میں لڑ پڑے جس دوران لاتوں، گھونسوں اور مکوں کا آزادانہ استعمال ہوا۔ تصادم کی وجہ سے بیرسٹر سلطان محمود چوہدری نے انتہائی مختصر خطاب کیا اورجلد ہی واپسی کی راہ لی۔
