ملتان (این این آئی/مانیٹرنگ ڈیسک)ملتان میں دو روز قبل مبینہ طور پر خود سوزی کرنے والے ڈاکٹر سلیم کی پوسٹ مارٹم رپورٹ آ گئی ہے، پوسٹ مارٹم رپورٹ کے مطابق ڈاکٹر سلیم کی موت دم گھٹنے اور جلنے سے ہوئی۔پولیس کے مطابق ملتان کے علاقہ گلشن سخی سلطان کالونی میں جمعہ کی رات گھر سے ایک شخص کی جلی ہوئی لاش برآمد کی گئی تھی جس کی شناخت ڈاکٹر سلیم محب کے

نام سے ہوئی ہے۔پولیس کے مطابق ڈاکٹر سلیم محب سرکاری ملازمت سے ریٹارئرمنٹ کے بعد نجی میڈیکل کالج میں پڑھا رہے تھے، جمعہ کے روز وہ گھر پر اکیلے تھے۔پولیس کی ابتدائی تحقیقات کے مطابق ڈاکٹر سلیم محب نے خود سوزی کی ہے، پوسٹ مارٹم رپورٹ میں بھی اس بات کی تصدیق ہو گئی ہے کہ ڈاکٹر سلیم کی موت دم گھٹنے اور جلنے سے ہوئی ہے۔واضح رہے کہ ڈاکٹر سلیم 22 جنوری کو ملتان میں اپنی بیٹی کو قتل کر کے خودکشی کرنے والے ماہر نفسیات ڈاکٹر اظہر حسین کے بھائی تھے۔ ‎دوسری جانب ڈاکٹر سلیم محب کے گھر کے باہر لگےسی سی ٹی وی کیمرےکی ویڈیو بھی سامنے آگئی ہے۔سی سی ٹی وی فوٹیج میں بھی ڈاکٹر سلیم محب کو گھر کے اندر اپنی گاڑی پر آتے ہوئے دیکھا جا سکتا ہے۔ویڈیو میں دیکھا جاسکتا ہے کہ انہوں نے بیرونی دروازہ بند کیا اورپھر گھر کے اندر چلے گئے جبکہ سی سی ٹی وی کے مطابق وہ کچھ دیر کے بعد دوبارہ باہر آتے ہیں اور گاڑی کی فرنٹ سیٹ سے کچھ نکالتے ہیں۔