ننکانہ صاحب(این این آئی)پنجاب کے 36 اضلاع کے ڈپٹی کمشنرز کی کارکردگی رپورٹ تیار،ڈی سی ننکانہ راجہ منصور سمیت 7کی اے پلس کیٹیگری، ڈی سی شیخوپورہ اصغر جوئیہ  سمیت4افسر کی اے کیٹیگری،7بی ،9افسرسی کیٹیگری میں شامل، کارکردگی کئی پہلوئوں سے مانیٹر کی جاتی ہے تاکہ سسٹم میں بہتری آئے ، سی کیٹیگری میں شامل متعدد افسر دفتر تاخیرسے آتے ہیں،

کسی سائل سے ملاقات نہیں کرتے ۔ رپورٹ میں بی اور سی کارکردگی کے حامل بعض ڈپٹی کمشنرز کو فوری تبدیل کرنے کی سفارش بھی کی گئی ہے۔رپورٹ کیمطابق بعض ڈپٹی کمشنر عوامی مسائل حل کرنے کے بجائے سیاستدانوں کے خلاف میرٹ جن میں بھرتیاں اور تقرروتبادلے شامل ہیں پرفوکس کرتے ہیں۔بعض ڈپٹی کمشنرز ن لیگ سے رابطے میں ہیں، بعض حکومتی جماعت کے اراکین کا ہرجائزو ناجائز کام کرنے کیلئے تیار رہتے ہیں ،اے پلس کیٹیگری کے حامل کچھ ڈی سی تبادلے کی کوشش کررہے ہیں ۔ تین روز قبل چیف سیکرٹری پنجاب جواد رفیق ملک نے ایک اجلاس کے دوران ڈی سی لیہ ، میانوالی ، ٹوبہ ٹیک سنگھ کی ناقص کا رکردگی پر ناراضی کا اظہار کیا۔ ان کا کہنا ہے کہ افسروں کی کارکردگی کا جائزہ لیا جاتا ہے اور جن کی کارکردگی بہتر نہیں ہوتی، انہیں وارننگ جاری کی جاتی ہے ، پھر بھی مثبت رپورٹ نہ ہو تو تبدیل کر دیا جاتا ہے ۔ انکا کہنا تھا کہ سسٹم میں بہتری کے لئے افسروں کی کارکردگی متعدد پہلووں سے مانیٹر کی جاتی ہے ، رپورٹس وقفے وقفے سے منگوائی جاتی ہے۔