اسلام آباد (این این آئی)پاکستان مسلم لیگ(ن) کی ترجمان مریم اورنگزیب نے وزیراعظم عمران خان کے بیان پر ردعمل کا اظہار کرتے ہوئے کہا ہے کہ قانون سے بالاتر صرف عمران صاحب ہیں ۔ اپنے بیان میں انہوںنے کہاکہ مالم جبہ، فارن فنڈنگ، بلین ٹری سونامی، بی آر ٹی، بنی گالہ،

زمان پارک، 400 ارب چینی، سوا 200 ارب آٹا، 122 ارب ایل این جی میں چوری عمران صاحب کے قانون سے بالاتر ہونے کی مثالیں ہیں۔ انہوںنے کہاکہ عمران صاحب قومی خزانے کی چوری اور براڈ شیٹ میں کمیشن کھانے سمیت تمام ڈکیتیوں میں سہولت کار ہیں ،عمران صاحب آپ  ہزاروں نہیں 23 فارن فنڈنگ اکاؤنٹس کا جواب دیں، آئیں بائیں شائیں کا کوئی فائدہ نہیں ،عمران صاحب اسلامی فلاحی ریاست اسرائیل اور بھارت سے غیر قانونی فنڈنگ لے کر نہیں بنتی ۔ انہوںنے کہاکہ بہنوئی کے پلاٹ کا قبضہ چھڑانے کیلئے جہاد میں پنجاب کے 6 آئی جیز شہید ہوگئے ،عمران صاحب بلین ٹری سونامی میں اربوں روپے  کی کرپشن کا جواب کب دیں گے؟عمران صاحب ماحولیات ، آٹا چینی ، دوائی بجلی اور گیس سب میں کرپشن ،عمران صاحب پاکستان کو کرپٹ ترین ملک بنانے کا جواب دیں