اسلام آباد (مانیٹرنگ ڈیسک )پاکستان ڈرامہ انڈسٹری کی نامور اداکارہ تارا محمود نے اپنے والد وفاقی وزیر تعلیم شفقت محمود کو سالگرہ مبارکباد دی تھی جس کے بعد ان کے مداحوں کو جان کر حیران ہوئی تھی کہ تارا محمود شفقت محمود کی صاحبزادی ہیں۔
نجی ٹی وی جیو کی رپورٹ کے مطابق جبکہ وفاقی وزیر شفقت محمود کی جانب سے گزشتہ روز ایک ٹوئٹ کی گئی جس میں انہوں نے کہا تھا کہ کچھ یونیورسٹیز کے طلبہ آن لائن امتحانات کا مطالبہ کررہے ہیں۔تارا نے اپنے والد کی اسی ٹوئٹ کو اپنے انسٹاگرام پر شیئر کیا تو اس کے بعد طلبہ نے اداکارہ سے بھی مطالبات شروع کردیے۔انسٹاگرام پر موجود طلبہ نے اداکارہ سے دلچسپ مطالبہ کیا اور کہا کہ وہ اپنے والد اور وزیر تعلیم شفقت محمود کے سامنے بیماری کا بہانہ بنائیں تاکہ وہ طلبہ کو کچھ دن اور چھٹیاں دے سکیں۔ایک صارف نے اداکارہ کو آنٹی کہہ کر مخاطب کرتے ہوئے تبصرہ کیا کہ تارا!آنٹی اپنے پاپا سے کہیں کہ یو او ایل(یونیورسٹی) کے پیپر آن لائن لے لیں۔ایک صارف نے کہا کہ تارا آپ تاروں کی طرح رنگ لے آؤ، جیسے تارے اندھیروں میں چمکتے ہیں، آپ بھی تھوڑا اندھیرا ختم کرو، اپنے پاپا کو مناؤ کے ایگزام آن لائن کردیں۔منت نامی صارف نے کہا کہ آپی اسکول بند کروادو، پلیز دعا دیں گے سارے اسٹوڈینٹس۔
